換水龍頭要注意的 3 件事，避免漏水慘劇

自己換水龍頭難唔難？
如果屋企水龍頭出現滴水、老化甚至生鏽，好多人都會心思思想自己 DIY 更換。只要你有合適嘅工具同埋基本嘅水喉知識，換水龍頭其實唔算太複雜。但如果處理得唔好，或者用錯物料，隨時會引發暗漏，嚴重起上嚟甚至會爆喉搞到全屋水浸！

換水龍頭 3 大必睇注意事項：

1. 必先關閉食水大掣
拆除舊水龍頭前，一定、一定、一定要記得閂咗屋企嘅食水大掣！如果不慎在未關水掣的情況下扭開喉管，高壓食水會瞬間湧出。如果你唔知屋企嘅大掣喺邊，或者大掣已經老化扭唔郁，強烈建議搵專業師傅幫手處理。

2. 準確量度孔徑與水喉牙尺寸
買新水龍頭前，切忌靠估！必須留意廚房星盆或浴室洗手盆的安裝孔徑大小。此外，連接水喉底部的「水喉牙」尺寸亦有分別（香港家庭通常使用 4 分或 3 分牙），買錯尺寸會導致無法安裝。

3. 正確使用水喉膠布
接駁喉管時，防水是關鍵。必須在螺絲牙位置「順時針」方向均勻地繞上 6-8 圈水喉膠布，確保扭緊後做到完全防漏。千祈唔好繞得太厚（會導致螺絲無法咬合）或者太薄（失去防漏功能）。

💡 專家溫馨提示： DIY 換水龍頭雖然可以慳返少少人工，但風險亦相對較高。如果在更換過程中遇到困難，或者更換後發現接口位仍然有滲漏，請立即關閉水掣並停止操作！

水喉問題可大可小，為咗安心，不如交畀專業團隊跟進？美展空間提供各類水龍頭更換及水喉維修服務，明碼實價，手勢有保證。

📲 即刻聯絡我哋獲取報價：